Umhverfisþættir og vöktun

Umhverfisþættir eru þeir þættir í starfsemi Elkem Ísland sem geta haft áhrif á umhverfið, til dæmis urðun aukaafurða og losun efna í andrúmsloft. Til umhverfisáhrifa telst einnig nýting á náttúruauðlindum, svo sem orku, vatni, hráefnum og landi.

Umfangsmikil vöktun vegna áhrifa rekstrar Elkem Ísland á umhverfið fer fram allan ársins hring. Vöktunin er tvískipt, annars vegar vöktun á uppsprettuþáttum innan lóðar Elkem Ísland og hins vegar vöktun á þáttum utan lóðar Elkem Ísland sem er sameiginleg umhverfisvöktun iðnfyrirtækjanna á Grundartanga.

Niðurstöður vöktunar ársins 2024 leiða í ljós að öll viðmiðunarmörk fyrir vöktunarþætti, sem sett eru fram í starfsleyfi Elkem Ísland og er að finna í reglugerðum sem eiga um fyrirtækið, eru uppfyllt í öllum tilfellum nema einu en einu þar sem ryk í töppunarafsogi fór yfir viðmiðunarmörk.

Helstu samstarfsaðilar eru:

• Hafrannsóknarstofnun Íslands
• Náttúrufræðistofnun
• Rannsóknarmiðstöð í sjávarlíffræði
• Háskóli Íslands
• Landbúnaðarháskóli Íslands
• Matís
• Skógrækt ríkisins
• M&T Ehf.

Umhverfisstofnun hefur eftirlit með niðurstöðum allra vöktunarþátta.